ពីធីចែកអំណោយដល់ចាស់ជរា ស្ដ្រី និងកុមារដែលមានផ្ទុកមេរោគអេដស៍ នៅសង្កាត់ជ្រោយចង្វារ
13-January-2016 | ដោយ មួយឡា
ភ្នំពេញ៖ ព្រឹកថ្ងៃទី១៣ ខែមករា ឆ្នាំ២០១៦ នៅទីស្នាក់ការបក្សប្រជាជនកម្ពុជាសង្កាត់ជ្រោយចង្វារ មានពិធីចែកអំណោយទទួលបានពីសប្បុរសជនបុគ្គលិកអាកាសចរមកពីប្រទេសសិង្ហបុរី ចែកជូនដល់ចាស់ជរា ស្ត្រី និងកុមារមានផ្ទុកមេរោគអេដស៍ចំនួន២០នាក់ ក្រោមអធិបតីភាព លោកស្រី កែវ សុភារី សមាជិកក្រុមប្រឹក្សាខណ្ឌជ្រោយចង្វារ ព្រមទាំងមានវត្តមានអញ្ជើញចូលរួមមានពីលោកស្រី សុខ ណារី ចៅសង្កាត់រងទី១ លោកស្រី ពិន ពៅ សមាជិកក្រុមប្រឹក្សាសង្កាត់ លោកស្រី អ៊ុក មុនីណារុំ ប្រធានអង្គការស្វ័រដា និងលោក លោកស្រី ជំនួយការភូមិដើមគ។
បន្ទាប់ពីតំណាងសង្កាត់ជ្រោយចង្វារ បានធ្វើសេចក្ដីរាយការណ៍ជូនអង្គប្រជុំរួចមក លោកស្រី មុនីណារុំ ប្រធានអង្គការស្វ័រដា បានមានមតិសំណេះសំណាលទៅកាន់បងប្អូន អ្នកផ្ទុកមេរោគអេដស៍ និងជនចាស់ជរា លោកស្រីសូមចូលរួមសោកស្រាយព្រោះថាជំងឺកាចសាហាវនេះមិនមានថ្នាំព្យាបាលទេ តែយ៉ាងណាត្រូវថែទាំសុខភាពកុំគិតខ្លី ដើម្បីរស់បានយូរ ហើយអាជ្ញាធរត្រូវចូលរួមលើកទឹកចិត្តមិនមានការរើសអើងឡើយ។
បន្ទាប់មកលោកស្រីបានចែកសំភារៈដល់ចាស់ជារា និងអ្នកផ្ទុកមេរោគអេដស៍សរុបចំនួន២០នាក់ ដោយក្នុងម្នាក់ៗទទួលបាន៖ អង្ករ៥០គីឡូក្រាម ត្រីខ០១យួរ ទឹកត្រី០២ដប ម្សៅសាប៊ូ ៣.៥គីឡូក្រាម សាប៊ូដុសខ្លួន០៦ដុំ ធូបមូស០៣ប្រអប់ សៀវភៅសរសេរនិងកូល័រពណ៌០១ឈុត៕ ដោយ មែន កំសត់
ចំនួនអ្នកទស្សនា
- ថ្ងៃនេះ8011
- ម្សិលមិញ10901
- សប្តាហ៍នេះ23391
- ខែនេះ45271
- ឆ្នាំនេះ45271
- សរុប20487727